Runt Agnið

Rennikappingin ‘Runt Agnið’ hevur rættuliga nógv ár á baki, og um vit hava ‘klassikarir’ innanfyri rennikappingar í Føroyum, so kundi Agnið veri eitt gott boð uppá ein av teimum.

Líka síðani vegurin varð gjørdur sum tá kom at binda Rituvík og Æðuvík nærri til Nes og Toftir, hevur hann veri væl brúktur sum partur av frítíðarítrivi, bæði viðv. eitt nú hundalufting og súkkling. Vegagerðin sigst vera ‘agn’ uppundir upp til fleiri val mitt í 20. øld, og veganavnið ‘Agnið’ á Nesi kemur ikki av ongum. Tað gekk tó strilti at fáa gjørt hendan vegin, tað var jú koyrandi til bæði Rituvíkar og Æðuvíkar úr Runavík, men tá liðugt var gjørdist vanligt at fara sær ein túr ‘Runt Agnið’. Og skal man allanvegin runt, so er longdin jú passalig – á einum næstan rundum 10-talið tá umræður kilometur-tal – til ein góðan spadseritúr, ella til at jogga sær ein túr uttan at skula ferðast sama strekkið fleiri ferðir. Tað var eisini upplagt at fara at kappast á hesum strekki, tí longu áðrenn skipað kapping var lýst á fyrsta sinni – sum sjálvandi eisini kom at eita ‘Runt Agnið’ – so tosaðu fólk um hvussu langa tíð tað tók at renna ella ganga hendan rundtúrin.

Núverandi starturin er á Toftum, og umvegis Æðuvíkarvegin, og síðani á Mýravegnum av Rituvíkshálsi, verður runnið til Runavíkar. Hareftir um Saltnes, og víðari til Toftir aftur. Teinurin er uml. 10,3 km og er fyrsta strekkið fyri tey flestu rættuliga strævið. Eftir 2½ km er komið á hægsta stað á rutuni, men tá er man yvir seinstu 2.000 m. komin uml. 170 m. upp í hædd, einans TopRun (niðan á Sornfelli) bjóðar sum rennikapping skrappari stigning. Tá lokalir rennarir brúka teinin uttanfyri kapping verður ofta runnið mótsattan veg, altso við urinum runt, longdin skuldi tó veri tann sama.

 

Kappingin plagar at vera á skrá um heystið. í Oktober hevur hon ofta verið, men seinnu árini hevur hon ligið 1. ella 2. vikuskiftið í november. Ofta er hon partur av einari størri kapping – einari sokallaðari Vetrarkapping við 5-8 umførum. Hini umførini ganga fyri seg aðra staðni í Føroyum, og rennararnir savna stig fyri at gerast vinnarir at samlaðu kappingini.

Tey bestu úrslitini gjøgnum tíðina eru hesi:

Kvinnir
2014 41.13 Valborg Heinesen
2008 42.52 Bjørk H. Olsen
2000 42.55 Rigmor N. Arge
2013 43.01 Rigmor N. Arge
2016 44.02 Rebekka Fuglø
2009 44.05 Bjørk H. Olsen
2017 44.25 Súsanna Skylv
2016 44.37 Rigmor N. Arge
2017 44.43 Beinta H. Joensen
 –
Menn
2016 34.56 Marnar Djurhuus
2016 34.59 Jan Elmar Sørensen
2016 36.16 Andrias Hansen
2001 36.19 Hallur Holm
2013 36.36 Marnar Djurhuus
1999 36.42 A. Marni Joensen
2014 37.03 Sam Vang
2015 37.07 Jan Elmar Sørensen
1997 37.13 Guttorm Sørensen
2015 37.15 Eirikur Hansen

(Við fyrivarni. Toplistarnir eru gjørdur útfrá teimum úrslitalistum vit kenna til, sí niðanfyri)

 

Úrslit

Runt Agnið 2017 (1. umfar av TF Vetrarkappingini 2016/2017)

Runt Agnið 2016 (1. umfar av TF Vetrarkappingini 2016/2017)

Runt Agnið 2015 (1. umfar av TF Vetrarkappingini 2015/2016)

Runt Agnið 2014 (1. umfar av TF Vetrarkappingini 2014/2015)

Runt Agnið 2013

Runt Agnið 2012

Runt Agnið 2011

Runt Agnið 2010

Runt Agnið 2009

Runt Agnið 2008

Runt Agnið 2007 (3. umf. av Vetrarkapping 2006/2007)

(2006?)

Runt Agnið 2005 (partur av TF Vetrarkapping)

Runt Agnið 2004 (partur av TF Vetrarkapping)

Runt Agnið 2003 (partur av Daewoo marathon cup)

Runt Agnið 2002 (partur av Daewoo marathon cup)

Runt Agnið 2001 (partur av Daewoo marathon cup)

Runt Agnið 2000

Runt Agnið 1999

Runt Agnið 1998

Runt Agnið 1997

Runt Agnið 1996

Leave a Reply

Your email address will not be published. Please enter your name, email and a comment.